Ar the man

Gi Romansa

Adlaw kadtong Dominggo
Sa balay sa akong palalab naniudto
Kay gikan kami’s simbahan
Buntag nga misa among giapilan
Naghapon mig kukabildo
Tayming pod kay bag-ong suweldo
Giawhag nako siyang magpabugnaw
“Painit lang…” iyang hagawhaw
Mga alas singko kadto sa hapon
Didto mi’s dalan Colon
Nangitag balay nga abangan
Aron sa pagbati pahungawan
Gamay ug sekreto nga kuwarto
Saksi sa among panag-engkwentro
Naglagiting nga pagbati
Mga halok among gisubli-subli
Gipaningot kog bugbog
Ang kasikas nahimong lagubog
Robo kaayo siyang ikaatbang
Nagkapuliki god kog panagang
Pagkagrabe niyang moromansa
Naligo ko’s singot; perting basaa
Naghitak ko morag naa’s lapok
“Taym pa… asa ko nasum-ok?”
Nakamata ko’s tumang kasakit
Naumod akong suwang ug nagping-it
Giromansa kog lima ka rawon sa butakal
Knock-down siya ug dila midiwalwal.

Kudos to rainel..thanks buddy for sharing this message :-)